25 қазан – Республика күніне орай мектебімізде «Жас Ұлан» және «Жас Қыран» бірыңғай балалар мен жасөспірімдер ұйымының қатарына қабылдау салтанатты рәсімі өтті.
Іс-шараның мақсаты – оқушыларға еңсесі биік егемен еліміздің айбынды да азат ұрпағы екендігін терең ұғындыру, отансүйгіштік пен патриоттық сезімдерін дамыту, ел бейбітшілігі мен бірлігіне үлес қосуға баулу.
Салтанатты жиынға мектеп директорының міндетін атқарушы Биндевальд О.Н., мектеп директорының оқу ісі жөніндегі орынбасары Есмакова Р.К., тәрбие ісі жөніндегі орынбасарлар Ужекенова М.А. мен Туленова Г.К., сондай-ақ ұстаздар мен оқушылар қатысты.
Мектебіміздің озат, үлгілі шәкірттері арасынан 2–4 сыныптардан 16 оқушы «Жас қыран» ұйымына, ал 5–7 сыныптардан 19 оқушы «Жас ұлан» ұйымына қабылданды.
Мерекелік шараны мектеп директорының м.а. Биндевальд О.Н. ашып, жас ұландарды құттықтап, ыстық лебізін білдірді.
Оқушылар салтанатты түрде ант қабылдап, оларға мектеп әкімшілігі галстук пен төсбелгі тақты.